Mizo Naupang Lehkhabu (Mizo Board Book) Pathum Tlangzarh

June 13, 2020, Pathianni 8:30 PM EST khan, The MIZO editor Lalchhanhima Mizo naupang lehkhabu buatsaih pathum- 'Mizo Hawrawp: A Aw B', 'Rawng Chi Hrang Hrang' leh 'Nambar: 1 - 10 Chhiar Ang' chu The MIZO ṭhianzahovin Zoom biakhmuhna hmangin kan tlangzarh. Lehkhabu hi The MIZO special contributors- Pastor Rosangpuia Fanai, Hawaii leh Pastor Laldinpuia, North Carolina-ten an tlangzarh a ni.

Lehkhabu tlangzarhna hi The MIZO manager- Vanlalngura'n a kaihruai a, The MIZO contributor- Thangmawia, The MIZO illustrator & graphic designer- Noel Lalthangliana leh Zonun Chanchinbu editor- Lalhuapzaua-ten thu an sawi a, USA Mizo nula chhuanvawr- Rebecca Lalrinpuii Fanai a zai a ni.

Lalchhanhima Mizo naupang lehkhabu buatsaihte hi nausen piang hlim aṭanga kum 4 inkar tana duan, naupang lawm chi lehkhabu- a phek chhah tak leh a lem en tur awm chi, sapin 'board book' an tih ang chi hi a ni a, USA ram chhunga zawrh atana chhut chhuah phawt a ni.

Naupang lehkhabute hi The MIZO website lehkhabu dawr-ah leh Felly Collections, Indiana-ah bu khat $10-in lei theih a ni.

'Mizo Hawrawp: A Aw B' bu phei hi chu Myanmar Mizote lei theih turin Myanmar-ah pawh chhuttir a ni a, The MIZO special contributor- Foreign Thangi Sailo hnenah lei theih a ni.

The MIZO ṭhianzaho lehkhabu tlangzarhna video hi darkar khat leh minit hnih leh sekan sawmthum pahniha rei (1:02:32) a ni a, a duh tan The MIZO YouTube channel-ah en theih a ni e.